Կատեգորիաներ

ՄԻԵԴ դատավորի թեկնածուների մրցույթ

ՄԻԵԴ ԴԱՏԱՎՈՐԻ ԹԵԿՆԱԾՈՒՆԵՐԻ ՄՐՑՈՒՅԹԻ ԴԻՏԱՐԿՈՒՄ

 

          Մարդու իրավունքերի եվրպական դատարանի դատավորի պաշտոնը չափազանց կարևոր է մի երկրի համար, որտեղ մարդու իրավունքները և արդարադատությունը իրենց բարձունքում չեն, և ՄԻԵԴ-ը խախտված իրավունքներով քաղաքացիների համար արդարադատության վերջին հույսի փարոսն է: Այդ իսկ պատճառով ԻԵՄ-ի փաստաբանները, մեծապես կարևորելով այս պաշտոնը, առանձնահատուկ ուշադրությամբ են դիտարկել 2014-2015թթ. կազմակերպված ՄԻԵԴ դատավորի թեկնածուների ընտրության  երկու մրցույթները: 

 

        ԻԵՄ-ը 2014թ. սեպտեմբեր-հոկտեմբեր ամիսներին դիտարկել է  Մարդու իրավունքների եվրոպական դատարանում Հայաստանի կողմից նշանակվող դատավորի թեկնածուների ընտրության գործընթացը և մանրակրկիտ զեկույց ներկայացրել թե՛ հայաստանյան լսարանին և թե՛ Եվրոպայի խորհրդի նախարարների կոմիտեի կողմից ձևավորված հատուկ Փորձագետների խորհրդատվական խմբին: Արդյունքում մրցույթի արդյունքները մերժվեցին վերջինիս կողմից:  2015թ. փետրվար-մարտ ամիսներին կայացավ ՄԻԵԴ  դատավորի թեկնածուների ընտրության երկրորդ մրցույթը, և չնայած հայաստանյան քաղաքացիական հասարակության կողմից հնչեցված մտահոգություններին, ԵԽԽՎ-ի՝ 2015թ. հունիսի վերջին կայացած նստաշրջանում Արմեն Հարությունյանը ընտրվեց որպես ՄԻԵԴ դատավոր: 

 

       «Արդյունավետ հանրային վերահսկողություն պետական պաշտոնատար անձանց նկատմամբ» ծրագրի շրջանակներում  ԻԵՄ-ը երկու մրցույթները ենթարկել է մանրամասն և մանրակրկիտ դիտարկման, ինչը բարձր է գնահատվել ԻԵՄ-ի եվրոպացի գործընկերների կողմից: Այս դիտարկումների շնորհիվ առաջին անգամ Հայաստանում հանրությունը հնարավորություն ստացավ ոչ միայն ավելի մոտից հետևել այս հանրային կարևորության իրադարձությանը, այլև ավելի լավ պատկերացում կազմել ՀՀ արդարադատության համակարգի վիճակի և դրա ներկայացուցիչների մասին:    

 

        Երկու մրցույթների վերաբերյալ զեկույցները տե′ս ներքևում:

 

        «Արդյունավետ հանրային վերահսկողություն պետական պաշտոնատար անձանց նկատմամբ»  ծրագիրն  իրականացվում է Ժողովրդավարության ազգային հիմնադրամի տրամադրած միջոցներով

 

Էջի վերջին թարմացումը՝  2015թ. սեպտեմբերի 29-ին: